معاملات کو حتمی شکل دینے کے لئے اعلیٰ سطحی وفد چین روانہ

شیئر کریں

 وزیراعظم کے دورۂ چین میں مالی پیکیج سمیت دیگر طے شدہ معاملات کو حتمی شکل دینے کے لیے اعلیٰ سطح کا وفد چین روانہ ہوگیا۔ ذرائع کے مطابق چین جانے والے وفد میں خزانہ، تجارت اور منصوبہ بندی کے سیکریٹریز سمیت گورنر اسٹیٹ بینک بھی شامل ہیں۔

 پاکستان کے اعلیٰ سطحی وفد کا دورۂ چین وزیراعظم کے دورے کا فالواپ ہے جس میں وزیراعظم عمران خان کے دورے کے دوران طے کیے گئے معاملات کو حتمی شکل دی جائے گی جس میں برآمدات کے لیے چینی مارکیٹ تک رسائی اور ممکنہ طور پر مالی پیکیج بھی شامل ہوسکتا ہے۔

واضح رہے کہ وزیراعظم عمران خان حال ہی میں چین کا پانچ روزہ دورہ کرکے آئے ہیں جس میں دونوں ممالک کے درمیان 15 معاہدوں اور یادداشتوں پر دستخط کیے گئے ہیں۔


شیئر کریں